Португалската фудбалска федерација ќе побара од ФИФА да не го суспендира Кристијано Роналдо повеќе од еден натпревар поради црвениот картон што го доби во квалификациите против Република Ирска.
Прекршокот на Роналдо беше апсолутно неспортски, тој насилно го удри противникот со лакт во грбот без топката (иако овој го држеше за дресот цело време), а постојат и оправдани загрижености дека ќе биде суспендиран на неколку натпревари, што автоматски би значело дека нема да игра во почетнaта фаза од Светското првенство 2026.
Теоретски, тој би можел да игра само во последниот меч од групната фаза на Светското првенство, доколку ФИФА изрече построга казна.
Таквото сценарио би било многу лошо за Роналдо, чие следно Светско првенство ќе биде шесто во неговата кариера. Но, тоа е најлошата опција, за која никој во португалскиот табор не сака да размислува во моментов.
Во меѓувреме, врвот на Федерацијата прави сè за да го убеди дисциплинскиот комитет на ФИФА да не биде строг кон големата ѕвезда. За таа цел, Асоцијацијата веќе подготви писмо во кое се наведени аргументите за одбрана на постапката на Роналдо.
Одбраната на Португалската фудбалска асоцијација ќе се базира на три точки: атмосферата пред натпреварот создадена од селекторот на Ирска, кој го обвини Роналдо дека го контролирал судењето на натпреварот меѓу двата тима во Португалија – што доведе до тоа двајцата дури и да се скараат откако Португалецот беше исклучен. Втората точка на одбрана се базира на фактот дека овој вид дуел игра е вообичаен за капитенот на националниот тим, бидејќи постојано е држен во шеснаесетникот, што може да предизвика реакција и фрустрација како што се виде во Даблин. И трето, не и најмалку важно, црвениот картон што го доби беше негов прв во неговата репрезентативна кариера, што, според Португалецот, мора да се земе предвид при изрекување санкција.
Ridiculous that Ronaldo was sent off for resisting someone pulling his shirt back. pic.twitter.com/oilDUdBXRq
— Piers Morgan (@piersmorgan) November 14, 2025
Во Португалија се убедени дека ФИФА ќе ги прифати аргументите и дека Роналдо ќе биде суспендиран само за следниот натпревар со Ерменија, последен во квалификациите, и дека ќе му биде на располагање на селекторот Мартинез од почетокот на Светското првенство 2026.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
