Бостон Селтикс имаат шанса да стигнат до 18. титула во својата богата НБА историја во петтиот натпревар од финалната серија против Далас. За успех „зелените“ ќе ја имаат и поддршката од домашната публика, но се чини не и од Криштапс Порзингис кој се очекува да биде неизвесен до самиот почеток на средбата.
Летонецот поради повреда пропушти подобар дел од плеј-офот, но се врати за финалето и имаше фантастичен настап во првите два натпревари.
„Се уште немам разговарано со него и не знам како точно се чувствува, но знам дека работи на себе со цел да се врати на теренот. Тоа е сигурно“, изјави тренерот на Бостон, Џо Мазула.
Натпреварот во „ТД Гарден“ ќе биде одигран вечерта помеѓу понеделник и вторник со почеток од 02:30.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
