Младинската машка селекција претстојното лето ќе земе учество на Европското првенство за кошаркари до 20 години односно на младинскиот Евробаскет, Дивизија А. Селекторот Боро Смилковски го објави поширокиот список на кошаркари за овој европски шампионат, на кој нашите млади играчи ќе имаат тешка задача против селекциите на Шпанија, Турција и Белгија.
Андреј Шошкиќ и Тео Симиќ би требале да ја имаат улогата на лидери откако и лани беа значаен фактор за влезот во елитното друштво, а на списокот на селекторот се најде и Рубин Стефанов, синот на прославениот македонски плејмејкер Врбица Стефанов.
Првиот собир на оваа национална селекција е закажан за 10. Јуни, 2024 година, во СРЦ Кале. Терминот за првиот собир, како и скратениот список на 18. кошаркари на чии услуги ќе смета Смилковски во рамки на подготвителниот период ќе бидат објавени дополнително.
Репрезентацијата ќе тренира во Скопје, а по десетина дена ќе замине во Црна Гора на пријателски двомеч. Месец јуни ќе го комплетира со уште еден двомеч, против соодветната национална селекција на Словачка на домашен терен. Последна контрола пред настап на младинскиот Евробаскет е закажана повторно во Скопје, со селекцијата на Швајцарија.
СПИСОК НА ПОВИКАНИ КОШАРКАРИ
- Андреј Шошкиќ – Работнички
- Михаил Стојанов – ТФТ Mozzart
- Ненад Јовановиќ – Roseto Basket
- Рубин Стефанов – Pescara Basket
- Алек Петкоски – Феникс 2010
- Петар Бошалески – Работнички
- Лука Димитриевски – МКК Куманово
- Бојан Стојановски – МЗТ Уни Банка
- Ангел Кечовски – Ангели
- Ангел Стојанов – Вардар
- Гојчо Стевковски – МЗТ Скопје Аеродром
- Матеј Николовски – Чаир 2030
- Петар Башоски – Blanca de Castilla
- Стефан Гоцевски – Работнички 2018
- Лука Серафимоски – МКК Куманово
- Григориј Јакимовски – Next Step Rapallo
- Никола Бојчев – Еуро Никел 2005
- Павел Иванов – Кожув
- Мухамед Ќамиловски – Црн Дрим
- Тома Стојаноски – Гостивар
- Христијан Тодороски – Еуро Никел 2005
- Виктор Стојковски – Навико Академија ФМП
- Метин Саити – Работнички
- Теодор Симиќ – Igokea
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
