Унгарија е последната селекција што стигна до билет за машкиот ракометен турнир на Олимписките Игри во Париз, откако Унгарците го добија денешниот клучен меч против Португалија со резултат 30-27.
Ова беше меч „да се биде или не“ за двете селекции, а големиот влог придонесе да се прават и нешто повеќе грешки на двете страни. На одмор се замина со израмнети 16-16, но затоа Унгарците успеаја да се одлепат во второто полувреме и да стигнат до толку посакуваната победа со која стигнаа до пласман на ОИ по пауза од 12 години.
Веќе се познати и сите 12 учесници на ракометниот турнир во машка конкуренција на претстојните ОИ, листата ја предводи домаќинот Франција, потоа Данска, Хрватска, Аргентина, Египет, Германија, Словенија, Унгарија, Јапонија, Норвешка, Шпанија и Шведска.
Европа ќе има девет од дванаесетте селекции-учеснички за петти пат во историјата, првпат по 2012 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
