Селекцијата на Велс стана последниот патник на Светското првенство кое на крајот на оваа година ќе се одржи во Катар откако синоќа со 1-0 славеа против селекцијата на Украина.
Единствениот гол го постигна искусниот Јармоленко кој си ја затресе сопствената мрежа и донесе ерупција од радост на стадионот во Кардиф.
Сите репрезентативци на Украина минуваат низ крајно тешки моменти во своите животи откако во нивната земја интензивно се одвива воен удар наметнат од Русија, па јасно е дека овој пораз им дојде како дополнителна „сол на рана“.
Тоа го почувствува и главниот судија, искусниот шпански арбитар, Матеу Лахоз кој по крајот на натпреварот замина да ги теши украинските фудбалери, нешто што не е својствено за еден судија.
Лахоз најмногу се задржал кај фудбалерот на Манчестер Сити, Олександр Зинченко кој во последно време никако не може да ги сокрие своите емоции.
Referee Mateu Lahoz consoled Zinchenko after Ukraine narrowly missed out on their World Cup dream 💙💛 pic.twitter.com/JPdlhguO6q
— ESPN FC (@ESPNFC) June 5, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
