Екипата на Пелистер продолжува со екипирање на играчкиот ростер откако потпиша договор со уште едно американско засилување. Станува збор за Џордан Скипер Браун, Американец кој настапува на позицијата крилен центар и треба да даде цврстина во рекетот во одбраната, но и да биде значајна опција плус во нападот. Со стилот на игра по кој е препознатлив во кариерата, Скипар Браун е најава за атракции во кошаркарска Битола во сезоната што следи.
Овој 27-годишен кошаркар по настапите во НЦАА-лигата првиот европски предизвик го имаше во белгиски Лувен, а потоа настапуваше и за тимот на Брисел. Една година мина во словенечкиот шампионат, а пред две сезони беше дел од силната ВТБ-лига, и тоа како член на Астана.
Ланската сезона Скипер Браун со успех настапуваше за турскиот тим Трабзон.
Џордан Скипер Браун е четвртото странско засилување на Пелистер, по ангажманите на Никола Малешевиќ, Остин Прајс и Брејси Дејвис.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
