Натпреварот помеѓу Ораховица и Омладинац во ниските лиги на Босна и Херцеговина ќе остане запишан со црни букви. Во 68. минута се случи сцена што ги шокираше сите присутни на стадионот и милионите кои подоцна го видеа снимениот материјал на социјалните мрежи.
Голманот на домаќините, во обид да ја пресече акцијата далеку од својот гол, истрча над 40 метри и со полна сила го удри со лактот во главата играчот на Омладинац. Ударот беше толку брутален што фудбалерот веднаш падна в бесвест на теренот, а од уста му излезе и крв.
Соиграчите веднаш му притрчаа на помош, а натпреварот беше прекинат повеќе од 10 минути додека лекарската екипа му укажуваше прва помош на повредениот играч.
Според првичните информации, тој е пренесен во болница во Мостар со сомнежение за потрес на мозокот и скршеница на јаболчната коска.Судиијата веднаш му покажа директен црвен картон на голманот, а дел од играчите на Омладинац физички се судрија со сторителот пред интервенција на обезбедувањето и полицијата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
