На денешен ден пред 24 години, репрезентацијата на Македонија го одигра својот прв меѓународен натпревар, гостувајќи во Крањ против селекцијата на Словенија.
Македонија предводена од селекторот Андон Дончевски славеше удедлив триумф од 4-1. Првиот, историски, гол за нашиот репрезентативен тим го постигна Зоран Бошковски – Чоко во 5. минута на асистенција на Дарко Панчев, а стрелци за Македонија беа уште и Панчев, Чедомир Јаневски од пенал и Драган Канатларовски.
„Тоа е златна генерација. „Децата“ од мојата генерација беа кадарни да се фатат во костец со најдобрите Европа и затоа без двоумење прифатив да бидам селектор затоа што имав верба во нив“ – вели првиот македонски селектор Андон Дончевски, потсетувајќи се на тие почетни денови на нашиот национален тим.
Македонија во Крањ против Словенците настапи со следниот состав: Мицевски, Грозданов, Јовановски, Канатларовски, Најдовски, Јаневски, Бошковски, Марковски, Панчев, Бабунски, Мицевски. Имиња кои засекогаш ќе останат запаметени во македонската фудбалска историја.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
