Селекторот на македонската А репрезентација, Благоја Милевски го објави списокот со повикани фудбалери за квалификацискиот натпревар за ЕП 2024 против Украина кој се игра 14. октомври од 15 часот во Прага.
На списокот на селекторот Милевски, во однос на претходните два собири, сега ги нема Илија Несторовски, Дарко Велковски кој е без клуб, Доријан Бабунски како и повредениот Ѓоко Зајков, а во националниот тим се враќаат, по претходното отсуство поради повреди, офанзивците Дарко Чурлинов и Валон Етеми.
Македонија за време на октомврискиот собир ќе одигра и контролен меч против Ерменија во Струмица (17. октомври, 15 часот).
Официјалниот собир на нашата најдобра селекција за претстојните пресметки против Украина и Ерменија е закажан за 9. октомври во хотелот Хилтон во Скопје.
На списокот на селекторот Благоја Милевски се наоѓаат следните 25 фудбалери:
ГОЛМАНИ:
Столе ДИМИТРИЕВСКИ – Рајо Ваљекано, Шпанија
Дамјан ШИШКОВСКИ – Докса, Кипар
Игор АЛЕКСОВСКИ – Работнички
ОДБРАНА:
Висар МУСЛИУ – Падерборн, Германија
Тодор ТОДОРОВСКИ – ЗТЕ, Унгарија
Никола СЕРАФИМОВ – Фехервар, Унгарија
Јован МАНЕВ – Осијек, Хрватска
Езѓан АЛИОСКИ – Ал Ахли, Саудиска Арабија
Бојан ДИМОСКИ – Акрон, Русија
Ахмет ИЉАЗОВСКИ – Хвидовре, Данска
Стефан АШКОВСКИ – Раднички Ниш, Србија
СРЕДЕН РЕД:
Енис БАРДИ – Трабзонспор, Турција
Елиф ЕЛМАС – Наполи, Италија
Аријан АДЕМИ – Динамо Загреб, Хрватска
Јани АТАНАСОВ – Краковија, Полска
Агон ЕЛЕЗИ – Вараждин, Хрватска
Давид БАБУНСКИ – Мезоковешд, Унгарија
Исник АЛИМИ – Сепси, Романија
НАПАД:
Бојан МИОВСКИ – Абердин, Шкотска
Милан РИСТОВСКИ – Спартак Трнава, Словачка
Дарко ЧУРЛИНОВ – Барнли, Англија
Ваљон ЕТЕМИ – Истанбулспор, Турција
Љупче ДОРИЕВ – Согдиана, Узбекистан
Александар ТРАЈКОВСКИ – Хајдук, Хрватска
Димитар МИТРОВСКИ – Вараждин, Хрватска
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
