Тренерот на Милан, Масимилијано Алегри, официјално беше суспендиран од еден натпревар од Дисциплинската комисија на Серија А, а исто така беше казнет и со 10.000 евра.
Причината за санкцијата е неговото исклучување на крајот од победата од 1-0 над Болоња во третото коло од италијанското првенство. Главниот судија поништи очигледен пенал за „росонерите“ по проверката со ВАР, што го налути Алегри, кој во типичен стил ја фрли јакната и му се развика на четвртиот судија.
Така, тренерот ќе го пропушти саботниот натпревар на гости против Удинезе.
„Казната се должи на фактот дека во 45-тата минута од второто полувреме тој ја критикуваше работата на ВАР на непочитувачки начин и отворено протестираше против четвртиот судија кој го пријави неговиот прекршок“, се вели во образложението на Дисциплинската комисија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
