Од 20. јуни до 14. јули следната година САД ќе биде домаќин на новото издание на популарната Копа Америка. Покрај десет селекции од Јужна Америка, овој пат дел од спектакуларното натпреварување ќе бидат и шест репрезентации од Северна и од Централна Америка.
Синоќешната ждрепка одлучи во Групата А да бидат Аргентина, Перу, Чиле и победникот од дуелот меѓу Канада и Тринидад и Тобаго.
Во Групата Б ќе бидат Мексико, Еквадор, Венецуела и Јамајка, а домаќинот САД ќе биде во Групата Ц заедно со Уругвај, Панама и Боливија.
И конечно во Групата Д ќе играат Бразил, Колумбија, Парагвај и подобриот од бараж-пресметката меѓу Хондурас и Костарика.
🚨🏆 Official Copa América 2024 groups.
Argentina and Brazil can only face each other in the final, as part of potential combinations. pic.twitter.com/eZGUC7w0sS
— Fabrizio Romano (@FabrizioRomano) December 8, 2023
Двете првопласирани селекции од секоја група ќе изборат пласман во четвртфиналето, по што следи класичниот нокаут систем се до финалната пресметка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
