Најсилното европско кошаркарско првенство, Евролигата денеска и официјано ги објави сите клубови учесници за престојнта сезоната 2024/25.
На листата на клубови веќе очекувано се и српските тимови Црвена Звезда и Партизан, а во однос на изминатата сезона дел од „кремот“ нема да биде Валенсија која ќе ја замени освојувачот на Еврокупот, екипата на Париз.
Тоа воедно значи и дека Македонија по подолго време повторно ќе има претставник во Евролигата. Тоа ќе биде Ти-Џеј Шортс, натурализираниот репрезентативец кој оваа сезона блескаше во дресот на францускиот тим кој го покори Еврокупот.
Покрај Шортс постои и голема шанса дел од Евролигата да биде и Ненад Димитријевиќ, одличниот бек кој е пред трансфер во италијанскиот шампион Олимпија Милано.
Покрај белградските гиганти, Париз и Олимпија Милано дел од Евролигата ќе бидат и: Панатинаикос, Олимпијакос, Реал Мадрид, Барселона, Басконија, Алба Берлин, Баерн Минхен, Анадолу Ефес, Фенербахче, Монако, Асвел, Макаби Тел Авив, Виртус Болоња и Жалгирис.
𝗧𝗛𝗘 𝟭𝟴 𝗧𝗘𝗔𝗠𝗦 𝗙𝗢𝗥 𝗧𝗛𝗘 𝟮𝟬𝟮𝟰-𝟮𝟱 𝗦𝗘𝗔𝗦𝗢𝗡 pic.twitter.com/h6JYPI6bj2
— Turkish Airlines EuroLeague (@EuroLeague) June 17, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
