Со супердраматичниот дуел меѓу Канада и Шпанија беше заокружена и втората групна фаза од СП 2023, по што се познати и четвртфиналните двојки од почетокот на разврската во битката за медали. Согласно распоредот, утре е слободен ден на шампионатот, по што за вторник и среда се закажани по две четвртфинални средби.
Литванија со победата над САД го освои првото место во својата група и за ривал ја доби Србија, меч што ќе биде и прв на програмата од четвртфиналните пресметки, во вторник со почеток во 10.45 часот.
Американците како второпласирани ќе се сретнат со Италија, меч во кој се апсолутни фаворити и кој ќе се игра со почеток во 14.40 часот во вторник.
Програмата в среда ќе ја отвори дуелот Германија – Летонија во 10.45 часот, а последен дуел е оној меѓу Лука Дончиќ и Словенија против селекцијата на Канада.
СП 2023 – ЧЕТВРТФИНАЛЕ
05. септември (10:45 ч.): ЛИТВАНИЈА – СРБИЈА
05. септември (14:40 ч.): САД – ИТАЛИЈА
06. септември (10:45 ч.): ГЕРМАНИЈА – ЛЕТОНИЈА
06. септември (14:40 ч.): СЛОВЕНИЈА – КАНАДА
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
