И покрај двете победи под водство на Мирко Оцокољиќ, КК Партизан сè уште се подготвува за доаѓањето на нов постојан шеф на тренерскиот штаб. Како што објави „Basketnews“, клубот од Хумска го очекува доаѓањето на Жоан Пењароја следната недела.
„Црно-белите“ влегоа во Евролигата во победничка серија по заминувањето на Жељко Обрадовиќ и го подобрија скорот на 6-9. Мирко Оцокољиќ ја презеде улогата на главен тренер за овие натпревари и го водеше Партизан до важни победи, враќајќи го тимот на победничкиот колосек со триумфи над Баерн Минхен и Црвена Звезда во вечното дерби.
Иако Оцокољиќ му помогна на тимот повторно да победува, се чини дека нема долго да остане на позицијата главен тренер. Иако клубот негираше дека има договор со Жоан Пењароја, ситуацијата сè уште оди во насока на промена на клупата.
Шпанскиот стручњак ја започна сезоната на клупата на Барселона, а го водеше каталонскиот тим против Партизан претходно оваа сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
