Предавство на повидок: Чалханоглу потпишува за Интер

Хакан Чалханоглу го заврши настапот со турската репрезентација на ЕВРО 2020, но плејмејкерот на Милан остана во центарот на вниманието на фудбалската јавност откако се интензивираа шпекулациите дека е подготвен за големо предавство – трансфер во редовите на градскиот ривал Интер.

Чалханоглу на крајот од месецот станува слободен играч, тој веќе одби неколку понуди за нов договор со Милан, а директорот Малдини јасно стави до знаење дека нема намера да му понуди повеќе од оние четири милиони евра по сезона кои тој ги отфрли. Последните информации велат дека начелнлно е постигнат договор за Чалханоглу да се пресели во Интер, каде ќе потпише тригодишен договор и сигурно ќе го навлече бесот на фановите на Милан. Лекарските прегледи се закажани за утре, по што се очекува и промоцијата на турскиот интернационалец во новиот клуб.

Јувентус и Манчестер Јунајтед беа споменувани како опции за турскиот интернационалец, но сега Интер е во преден план во трката по Чалханоглу. Состојбата на Кристијан Ериксен е таква што тој најверојатно повеќе нема да игра фудбал, а „нероаѕурите“ немаат буџет за ново врвно засилување за средниот ред. Во Чалханоглу ќе добијат играч кој би дошол без никаква отштета, но и фудбалер со значајно искуство во Калчо-лигата кому нема да му биде потребно време за адаптација.

Се вчитува...