Јувентус се наоѓа во очајна форма, па односите меѓу фудбалерите и стручниот шатб е климава. Внимание овој пат привлече несогласувањето на Буфон со тимот од Торино, па овој настан одекна како бомба.
„Газета“ пренесува дека Џиџи е незадоволен бидејќи бранеше на само 10 натпревари во сите натпреварувања, иако челниците му ветија повеќе. Иако има 43 години, тој верува дека може да брани на врвно ниво и ќе бара нов клуб. Тој не сака да зборува за тоа, за да не ги повреди навивачите, но нема да ги расипе односите со претседателот Ањели и Пирло.
Џанлуиџи ја разбира ситуацијата, но сака да брани и доколку добие понуда, ќе ја продолжи кариерата во друг клуб. Постојат гласини дека тој би можел да ги следи стапките на неговиот голем пријател Касилјас и да заврши во Порто, кој неодамна го елиминираше Јувентус од Лигата на шампионите.
Но, има и друго решение, доколку не го најде вистинскиот ангажман, тој ќе стави крај, по кариерата која трае веќе 26 години. Легендарниот голман има освоено десет титули, пет купови, 7 суперкупа со Јувентус, како и трофеи со ПСЖ и една титула светски првак со Италија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
