Претседателот на македонската Влада, Димитар Ковачевски вечерва го следи финалето на Европското првенство за девојки до 19 години на кое изминативе десет дена беше домаќин Македонија и Одбојкарската федерација на Македонија.
Ковачевски, кој е во друштво на претседателот на ОФМ, Петар Јовановски и пратеникот Дарко Каевски, се очекува да го додели и пехарот на новиот европски шампион, по финалето во арената „Борис Трајковски“ во кое се среќаваат Италија и Србија.
Судија на финалето е и македонскиот интернационален судија Јосип Христов кој е втор арбитар во натпреварот за златниот медал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
