Карло Анчелоти нема да добие отказ од Реал Мадрид по финалето на Купот против Барселона. Иако се шпекулираше дека со Италијанецот на клупата е готово, сепак, тој според најавите од Шпанија, тој ќе остане на клупата на „кралевите“ најмалку до крајот на сезоната.
Потоа ќе се анализира неговата работа, па Флорентино Перез ќе донесе одлука. Јасно е дека Реал го доби Килијан Мбапе оваа сезона, и не успеа да стигне до финалето во Лигата на шампионите, но треба да се земат во предвид и многуте повреди сезонава. Реал остана без Карвахал, Милитао, Алаба поради скинати лигаменти. Но, вината ја има и самиот клуб што не донесе засилувања во зимскиот преоден рок.
Наголемо се шпекулира дека Јирген Клоп е подготвен да преговара за да седне на клупата на Реал, а втора варијанта е Чаби Алонсо од Леверкузен за отштета од 10-15 милиони евра. Трета варијанта и најнереална во моментов е враќање на Зинедин Зидан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
