Претседателот на шпанската Ла Лига, Хавиер Тебас оцени дека Барселона моментално не е финансиски способна да го врати Лионел Меси, но додаде дека се надева дека ситуацијата ќе се промени.
Претседателот на Ла Лига изрази „надеж“ дека каталонскиот клуб ќе успее да ја врати аргентинската ѕвезда, чиј договор со Пари Сен Жермен истекува во јуни.
„Во моментов не може да се регистрира, но има уште време“, изјави Тебас на прес-конференција, додавајќи дека се чека „план за изводливост од Барселона. Нема да ги менуваме правилата за финансиска контрола одобрени од клубовите, за да може Барса да го регистрира Меси, дури и ако нашата желба е тој да се врати во нашиот шампионат“, изјави Тебас.
Каталонскиот весник „Мундо Депортиво“ објави дека Барса има „цврста намера да го купи Лео Меси“ следното лето. Меси ја напушти Барселона во летото 2021 година, преминувајќи во ПСЖ. Меси на 69 натпревари постигна 31 гол, но не успеа да заслужи почит во Париз, особено поради неуспехот на парискиот клуб во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
