Пеле сега и официјално влезе во португалскиот речник на Бразил како придавка, објави Ројтерс.
Беше извонреден, необичен, додека танцуваше на светските терени, а отсега неговиот прекар кој го прослави фудбалот и официјално ќе значи токму тоа – „извонреден“.
Станува збор за можеби најголемиот фудбалер на сите времиња – Едсон Арантеш до Насименто или едноставно и на сите добро познат – Пеле.
На почетокот на овој месец, „Фондацијата Пеле“ и СпорТВ ја започнаа кампањата „Пеле во речник“ за да му оддадат почит на големиот Бразилец и да го препознаат неговото наследство во други области освен спортот.
Бидејќи кампањата брзо достигна повеќе од 100.000 потписи, името на поранешната легенда, која почина во декември, сега е во речникот.
„Пеле – е или некој кој е извонреден или кој по квалитет, вредност или супериорност не може да се рамни со ништо или никого – исто како Пеле“, е новиот запис во речникот што беше претставен на Спортскиот самит во Пакамбу, во Бразилската држава Сао Паоло.
Примери: „Тој е Пеле на кошарката“, „Таа е Пеле на тенисот“, „Таа е Пеле на бразилската драматургија“, „Тој е Пеле на медицината“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА