Династијата Голден Стејт Вориорс ова лето остана покуса за еден член откако Клеј Томпсон се одлучи за промена на средината и како слободен кошаркар потпиша за Далас Маверикс каде ќе игра заедно со Лука Дончиќ.
Од златното трио остана само дуото Стеф Кари и Дрејмонд Грин, а спортскиот директор на тимот од Сан Франциско се надева дека од тимот никогаш нема да замине фантастичниот бек кој на 36-годишна возраст има уште две активни години во договорот.
„Прилично самоуверено можам да кажам дека Стеф ќе биде „воин“ до крајот на кариерата“, изјави Мајк Данливи кој се осврна и кон иднината на франшизата која изминатата сезона не се пласираше ниту во плеј-офот.
„Ќе биде тешко да составиме пак еден таков тим, но не е нешто што е невозможно. Само треба добро да ги усогласиме работите. Со Стеф и Дрејмонд кои се сеуште на високо ниво мораме да бидеме претпазливи за да останеме конкуренти за титула. Сакаме да победуваме“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
