Летонската кошаркарска репрезентација ќе биде сериозно ослабена за престојните квалификации за Летните олимписки игри во Париз. Дел од тимот нема да биде најдобриот кошаркар на оваа балтичка држава, Кришстапс Порзингис.
Крилниот центар кој ја освои НБА лигата со Бостон Селтикс се здоби со скинат ретинакулум и дислоцирана задна тибијална тетива во натпреварот број два од финалето на НБА и мора да замине на операција со што со сигурност нема да биде дел од репрезентацијата ова лето.
Летонија квалификациите ги игра на домашен терен во Рига, а за противници во првата фаза ќе ги има Грузија и Филипини. Доколку ја мине групната фаза и се пласира во полуфиналето тогаш ја очекува средба со Бразил, Камерун или Црна Гора.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
