Многу работи во играта на Милан вечерва ќе зависат од играта на Рафаел Леао, извонредниот крилен офанзивец кој постигна два гола за „росонерите“ во убедливиот триумф од 0-4 над Наполи среде Неапол пред помалку од еден месец.
Италијанските медиуми сепак потсетуваат на фактот дека Леао многу потешко се снаоѓа на натпреварите на домашен терен, каде ривалите играат позатворено против актуелниот освојувач на скудетото. Конкретно, Португалецот дури 150 дена нема постигнато гол на домашниот стадион на „росонерите“.
Тој последен пат стрелаше прецизно на дуелот со Фиорентина на 13 ноември 2022 година, предолг пост што би можел да го прекине токму вечерва, против екипата на Наполи во четвртфиналето од Лигата на Шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
