На самиот старт од новата сезона Јирген Клоп се соочува со поголеми проблеми, откако лекарскиот тим потврди дека Тијаго Алкантара има заработено прилично тешка повреда на натпреварот меѓу Фулам и Ливерпул во саботата, а поради која ќе мора да биде отсутен најмалку шест недели.
Шпанскиот играч за врска го повреди бутниот мускул и беше принудно заменет во 51. минута од натпреварот. Јирген Клоп нема да може да смета на Алкантара за мечевите со Манчестер јунајтед, Кристал Палас, Борнмут, Њукасл, Евертон и против Вулверхемптон, пренесуваат медиумите од Шпанија и од Англија.
Алкантара (31) играше во солидна форма минатата сезона и стана важен дел од концептот на Јирген Клоп, откако дојде од Баерн Минхен во 2020 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
