Селекторот на Холандија Роналд Куман ќе мора да реши сериозни проблеми пред четвртфиналниот плеј-оф меч од Лигата на нации против Шпанија поради проблеми со клучните играчи.
Десниот бек Дензел Дамфрис поради повреда ќе ги пропушти претстојните натпревари. Тој се здоби со повреда во текот на викендот за време на победата на Интер со 2-0 над Аталанта во неделата во натпревар од италијанската Серија А. Под знак прашалник е и играчот од средниот ред на Барселона, Френки де Јонг. Играчот од средниот ред не играше за Каталонците во победата од 4-2 над Атлетико Мадрид викендов поради болест.
Куман објави дека на местото на Дамфрис го повикал дефанзивецот на Ајакс, Јури Бас, за кого ова е прва повик во репрезентацијата. Матс Вифер од Брајтон исто така е повикан во националниот тим како замена за Де Јонг, во случај тој да не може да игра.
Првиот натпревар меѓу Холандија и Шпанија е во четврток во Ротердам, а реваншот е в недела во Валенсија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
