Се чини дека Манчестер Сити скапо го плати пласманот во полуфиналето на ФА Купот и победата против Бормут.
„Граѓаните“ по пресврт стигнаа до победа од 1-2, а натпреварот го одбележа и промашениот пенал на Ерлинг Халанд во 14. минута.
Халанд беше заменет во 49. минута, а по дуелот беше виден како со глуждот и стапалото на левата нога во заштитна чизма и со патерици го напушта стадионот.
Ден подоцна доаѓа веста дека Халанд ќе го пропушти поголемиот дел до крајот на сезоната. Веројатно ќе биде подготвен за настап во последните неколку кола, а секако и за Светското клупско првенство.
По првите прегледи побарани се дополнителни консултации со специјалисти, по кои ќе се знае колку долго одличниот Норвежанец ќе паузира од терените.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
