Екипата на Воска Спорт од Охрид избори уште еден прволигашки статус, но екипата веројатно ќе претрпи значајни и големи промени во следната сезона. Веќе неколку играчи го напуштија тимот, а најновото име од оние кои си заминаа е Никола Стијеповиќ.
Стијеповиќ потпиша за косовска Сухарека, и во иднина ќе го носи дресот на овој тим. Медин Бајрами веќе замина од клубот, Костадин Захов е пред трансфер во Беса, додека најверојатно ќе замине и најдобриот стрелец Адам Марушиќ, кој ќе му се приклучи на првакот.
ЕКИПА дознава дека и тренерот Срѓан Захариевски ќе го напушти клубот, а пред заминување се уште неколку играчи. Воска Спорт играше и финале на Купот на Македонија, кое го загуби од Тиквеш со 2-1, и остана без пехарот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
