Милан и Удинезе се судрија во рамки на првото коло од Серија А, а актуелниот шампион на Италија успеа да издвои не така лесна победа од 4-2, за први три бода на своето конто.
Натпреварот имаше шокантен почеток за домаќините, откако водство за гостите донесе Родриго Бекао уште во 2.минута. За кратко Тео Хернандез од пенал ги врати „росонерите“ во игра, иразманувајќи на 1-1 во 11. минута.
Следен во листата на стрелци беше Анте Ребиќ, кој направи брз пресврт во 15. минута за 2-1. Пред крајот на првото полувреме проблеми на Милан создаде Адам Масина, успевајќи во 45+3. минута да изеднчи на 2-2, резутлат со кој се замина на пауза.
Брахим Дијаз со гол во 46. минута го отвори вториот дел од овој двобој, па на својот тим му донесе предност по вторпат на овој меч, 3-2. Конечните 4-2 ги постави Анте Ребиќ во 68. минута. На овој натпревар шанса не доби македонскиот офанзивец Илија Несторовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
