Кошаркарите на Милвоки Бакс славеа на гостувањето кај Мајами Хит со резултат 106:103. Без Јанис Антетокунмпо, гостите прикажаа извонредна игра во два и пол периоди, градејќи предност од 22 поени.
Токму кога се чинеше дека натпреварот е решен, Мајами направи неверојатна серија и на четири минути до крајот успеа да извојува нерешено 96:96. Во неизвесна завршница, двата прецизни пенали на Торијан Принс на две секунди до крајот го решија натпреварот.
Во победничкиот тим се истакна Демијан Лилард со 37 поени и 12 асистенции. Најблиску од неговите соиграчи беше Брук Лопез со 13 поени.
Џими Батлер го предводеше Мајами со 23 поени, Тајлер Хиро заврши со 18 поени со пет скока и асистенции.
Продолжува лошата серија за ЛА Лејкерс. Некогашниот НБА шампион на гостински терен беше поразен од Феникс со 127-101. „Сонцата“ го загубија само вториот период од мечот, додека во останатите целосно доминираа, и му нанесоа убедлив пораз на гостинот.
Букер беше нерешлива енигма, со 26 поени беше најефикасен. Кај Лејкерси Дејвис беше одличен со 25 поени и дури 15 скока.
НБА, РЕЗУЛТАТИ
Вашингтон – Чикаго 108:127
Мајами – Милвоки 103:106
Минесота – Хјустон 111:117
Јута – Сан Антонио 115:128
Феникс – ЛA Лејкерс 127:101
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
