Најдобрата македонска тенисерка Лина Ѓорческа продолжува со континуираниот напредок на ВТА ранг листата меѓу најдобрите светски тенисерки.
На најновата ВТА ранг листа за оваа недела, Лина напредуваше за девет позиции и повторно, по подолго време, се проби во ТОП 200 тенисерки на листата. Сега Ѓорческа е на 198. место на листата со 358 ВТА поени.
Лина Ѓорческа сега ита и кон најдобриот свој ранкинг кој го имаше во кариерата, 170. место во 2017 година. Потоа во 2023 година беше и на 178. место до кое, по одличната форма во која игра, повторно се доближува.
Прва на ВТА листата е Белорусинката Арина Сабаленка, пред Ига Швјонтек од Полска и Американката Коко Гоф.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
