Се очекува кошаркарот на Денвер Нагетс, Никола Јокиќ, да му биде достапен на тренерот Дејвид Аделман до крајот на јануари, бидејќи неговото закрепнување од повредата на коленото напредува според планот.
Српскиот интернационалец неодамна се врати на тренинзи откако претрпе повреда на коленото на крајот на декември. Никола Јокиќ ги продолжи тренинзите на теренот и е на добар пат да се врати во поставата на Денвер Нагетс до крајот на јануари. Неговото брзо закрепнување би можело да го држи во трка за признанијата за најкорисен играч и место во најдобриот тим на НБА.
Според кошаркарскиот инсајдер на ESPN, Шемс Чаранија, трикратниот МВП ќе се врати на теренот побрзо од очекуваното.
„Никола Јокиќ продолжи да работи. Закрепнувањето е дури и малку побрзо од очекуваното, тој би можел да се врати во тимот до крајот на месецот. Тоа е отприлика оригиналниот временски рок од четири недели што го имаа“, рече Чаранија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
