Macedonia Collectors Show е настан кој се одржа за прв пат во Македонија, во Радовиш и имаше за цел да ги собере на едно место најголемите колекционери на албуми, сликички, картички, биндери, автограми и сродна меморабилија.
Настанот практично претставуваше прв изложбен собир на колекционери од спортски и останати предмети во Македонија. Најголемите колекционери ширум целата држава, со своите квалитетни и многубројни колекции дадоа придонес во успешна промоција на настанот.
Најмлада популација како таргет група беше успешно опфатена и инволвирана како од информативен така и од едукативен аспект. Во рамки на настанот, сите посетители имаа можност да учествуваат во едукативно-информативна изложба на која беа презентирани ретки, уникатни и занимливи предмети од историјата на светското и македонското фудбалското колекционерство.
Специјални гости на настанот беа Диме Димов, Јовица Трајчев, како и Иван Николов капитен на младинската У-21 репрезентација. Влезот беше слободен за сите посетители.
Повеќе детали за настанот, може да најдете на Macedonia Collectors Show или пак во групата на колекционери.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
