Новиот селектор Кире Лазаров го објави поширокиот список од 35 ракометари кои ќе бидат во комбинација за претстојниот двомче од квалификациите за ЕВРО 2022 против светскиот првак Данска.
На списокот на Лазаров се наоѓа Дејан Манасков, кој поради конфликт со поранешниот селектор не настапи на последните натпревари под водство на Брестовац, а интересно е што и Филип Миркуловски би можел повторно да го облече репрезентативниот дрес.
Бекот на Вецлар е избран и како дел од стручниот штаб на репрезентацијата, но тој се наоѓа и на списокот на играчи за двомечот со Данска, па лесно може да се случи Миркуловски заедно со Лазаров да настапи на последните средби од овој квалификациски циклус (двата со Данска, па по еден со Финска и со Швајцарија), за да помогне да биде обезбеден пласман на ЕП 2022.
Лазаров дополнително ќе го соопшти скратениот список од ракометари кои ќе бидат повикани за првиот тренинг и подготовките за дуелите со Данска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
