Во насока на засилена промоција на фудбалската игра на домашната сцена, ЕКИПА со избор на најдобрите од секоја рунда натпревари од ПМФЛ. Покрај тимот на колото и најдобриот играч, ќе се обидеме да ви ги доближиме и сите најинтересни моменти од секое коло, низ една рекапитулација на настаните.
====================================
ТИМ НА 4. КОЛО
Струга Трим и Лум полека, но сигурно од најголемо освежување, влегува меѓу фаворитите за највисок пласман сезонава во Првата македонска фудбалска лига. Четири натпревари и исто толку победи со гол разлика 8-1 ги вивна стружани на врвот на табелата. Последен на менито на тимот на Срѓан Захариевски беше тетовска Шкендија која ја совладаа со 0-2. Шкупи не воодушеви, но стигна до триумф на гостувањето во Автокоманда кај Скопје. Брегалница го доби дербито со Македонија ЃП во Штип, а до првиот триумф стигна Работнички кој славеше со 2-0 против Тиквеш.
====================================
ИГРАЧ НА КОЛОТО: Христијан Малески (Струга ТЛ)
Христијан Малески е еден од најдобрите фудбалери сезонава во ПМФЛ. Еден постигнат гол и изнуден црвен картон во победата во дербито против Шкендија е и повеќе од доволно за да биде избран за најдобар фудбалер за оваа рунда во домашниот шампионат.
================================
ТРЕНЕР-ПРАГМАТИЧАР НА КОЛОТО: Срѓан Захариевски (Струга ТЛ)
Најдолговечниот тренер во Првата македонска фудбалска лига уште еднаш покажа сезонава дека и тоа како има потенцијал за највисок пласман. Одлично тактички го надмудри колегата Артим Шаќири и успеа да донесе нова победа за својот тим.
==============================
ГОЛ НА КОЛОТО: Кристијан Велиновски (Академија Пандев)
Академија Пандев одигра реми на гостувањето кај Силекс 1-1 во еден од најинтересните натпревари во 4. коло во Првата македонска фудбалска лига. Кристијан Велинов беше стрелец на единствениот погок за струмичани, кој беше вистинска велемајсторија.
=================================
ЛИСТА НА СТРЕЛЦИ
==================================
ФОТО НА КОЛОТО: Бесарт не се радуваше против својата Шкендија!
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
