Во насока на засилена промоција на фудбалската игра на домашната сцена, ЕКИПА со избор на најдобрите од секоја рунда натпревари од ПМФЛ. Покрај тимот на колото и најдобриот играч, ќе се обидеме да ви ги доближиме и сите најинтересни моменти од секое коло, низ една рекапитулација на настаните.

==========================================================================================================================

ТИМ НА 14. КОЛО

Неверојатни и крајно возбудливи натпревари ни донесе 14. рунда во Првата македонска фудбалска лига. Најтрофејниот клуб Вардар е во многу лоша ситуација и шансите за опстанок во ПМФЛ веќе се сведени на минимум по поразот на домашен терен од директниот конкурент Воска со 1-2. Шкендија триумфираше над Тиквеш со минимални 1-0 и со тоа го искористи поразот на Шкупи кој загуби на гостувањето кај Силекс (2-1) и се израмни на врвот на табелата со 28 бода. Силекс со уште една победа против водечките на домашен терен, по онаа претходната над Шкендија, јасно потврди дека сезонава и тоа како гаи европски амбиции. Во „скопскиот класик“ Работнички славеше со 0-1 на гостувањето кај Македонија Ѓорче Петров. Во останатите мечеви АП Брера конечно славеше и тоа против шампионот Струга (2-1), додека Гостивар го зеде скалпот и на Брегалница (1-0).

====================================

ИГРАЧ НА КОЛОТО: Aлен Јашароски (Воска)

Воска ја продолжи мизеријата на најтрофејниот клуб Вардар совладувајќи го на гостински терен со 1-2. Токму Ален Јашароски ги постигна двата гола на овој меч за охридскиот клуб, па затоа и повеќе од заслужено го добива епитетот играч на колото.

================================

ТРЕНЕР НА КОЛОТО: Горазд Михаилов (Силекс)
Силекс продолжува со одличните игри сезонава, откако во кратово падна и фаворизираниот Шкупи (2-1). Дефинитивно Горазд Михаилов се истакнува како еден од најдобрите стратези во ПМФЛ кој е можеби и најголемиот виновник за одличните резултати на кратовскиот тим.

==============================

ГОЛ НА КОЛОТО: Ијаји Атиетвен (Гостивар) 

Гостивар ја продолжи агонијата на Брегалница совладувајќи ја на домашен терен со 1-0. Стрелец на победничкиот погодок за гостиварци беше Ијаји Атиетвен чиј погодок беше вистинска убавица.

ЛИСТА НА СТРЕЛЦИ 

ФОТО НА КОЛОТО: Тешка битка вардарова…