Баскет Кам уште еднаш потврди дека е главен фаворит за титулата во Првата лига за жени од кошаркарскиот шампионат откако во дерби дуелот славеше на гостински терен над Бадел со убедливи 53-73. „Баделки“ засилени со Петрушевска и со Николов парираа во првото полувреме (29-33), но гостинскиот тим целосно издоминира во вториот дел, на крајот стигнувајќи до убедлива победа.
Во продолжението се разигра, Цветанка Димова, која делуваше незапирливо за противничката одбрана. На крајот на третиот период екипата од Македонска Каменица водеше со 38-51, за во онаа последната разликата да ги достигне и конечните „плус 20“.
Димова застана на ефект од 29 поени (5/7 за три, 6/11 за два поени), имаше и седум скока, две асистенции. Одлична секвенца имааше и Максимовска, стрелец на 14 поени, додека пак Кметовска го заврши натпреварот со двоен ефект, односно 13 поени и 11 скока (плус 4 асистенции). Во екипата на Бадел 1862, со 16 реализации (и шест скока односно четири асистенции) се издвои Николов, Петрушевска додаде 13 поени, а имаше и седум скока.
Две добри четвртини, првата и последната им беа потребни на кошаркарките на Вардар да стигнат до убедлива победа на гостувањето во Кавадарци. Беа многу подобри од составот на Пробаскет, славеа со 25.поени разлика (75:50).
Тргнаа силно избраничките на тренерот Александар Ашаданов, уште во првиот период направија голема предност (29:13), следуваше период на доста порамноправна игра на теренот, за во последната четвртина да „вардарки“ направат нешто слично на првата. Ја добија со (25:13), за разликата да биде уште поголема во нивна корист.
Тасевска беше стрелец на 21 поен за екипата на Вардар, Трајковска даде 14 поени, Зафировска реализираше 13 поени, додека на другата страна Димитриева постигна 13, а Мегленова додаде уште 10 поени.
Денеска, во Делчево, се игра натпреварот помеѓу екипите на Патриот 2016 и Крива Паланка, додека екипата на МЗТ Скопје Аеродром ќе добие службена победа откако екипата на Куманово-Гризли не се појави на теренот во предвиденото време за одигрување на натпреварот во Скопје.
ПРВА „А“ ЛИГА-ЖЕНИ
РЕЗУЛТАТИ И ДВОЈКИ 1. КОЛО
Пробаскет – Вардар 50:75
МЗТ Скопје Аеродром – Куманово Гризли 20:0 служ.
Бадел 1862 – Баскет кам 2011 53:73
ДЕНЕСКА:
16.15: Патриот 2017 – Крива Паланка
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
