Првиот изненадувачки резултат на Евробаскетот 2025 го приреди селекцијата на Грузија која ја предводи поранешниот македонски селектор Александар Џикиќ, победувајќи ја убедливо фаворизираната Шпанија со 83-69.
По израмнетото прво полувреме, Грузијците предводени од Шенгелија одиграа извонреден втор дел целосно надигрувајќи Шпанците кои имаат катастрофален шут, поради кој и не можеа да се надеваат на можност за победа.
Шпанија, со подмладен состав, и двајца 19-годишни плејмејкери на Евробаскетот, се чини нема да може да игра запазена улога на овој европски собир.
Мамукалешвили со 19 поени, 7 скока и 6 асистенции ги предводеше Грузијците заедно со Битадзе со 15 поени и пет скока, а Шенгелија заврши со 12 поени и по два скока и асистенции. Кај Шпанците се издвои Хернангомез со 13 поени и 8 скока.
Dario Brizuela closes the first half in style! 🚨#EuroBasket x #TissotBuzzerBeater | @baloncestoesp pic.twitter.com/rYJG4z8Zn4
— FIBA EuroBasket (@EuroBasket) August 28, 2025
Израел, пак, ја оправда фаворитската улога и го победи Исланд со 83-71.
Соркин ги предводеше Израелците со 31 поен, а Авдија заврши со 20 поени и девет скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
