Според предлог планот за натпревари на комесарот на Фудбалската федерација на Македонија, Васко Дојчиновски, новата сезона во Првата македонска фудбалска лига треба да стартува на 13. август.
Овој предлог е веќе доставен до надлежните служби и чека единствено одобрување од Управниот одбор на ФФМ.
Согласно планот на Комесарот за натпревари, веднаш потоа на 16. август ќе се одржат и натпреварите од 1/16-финалето во Купот на Македонија.
Според најавите, ждрепката на распоредот на двојките за календарот за натпревари на Првата лига како и на двојките за 1/16-финалето од Купот на Македонија треба да се одржи на 24. или 25. јули во просториите на Фудбалската федерација на Македонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
