Андреа Пирло се соочува со сериозен проблем во пресрет на големото дерби со Милан што ќе се игра в среда откако стандардниот лев бек Алекс Сандро беше позитивен на денешното тестирање за Covid-19.
Бразилскиот репрезентативец настапи на синоќешниот дуел со Удинезе, но утрово покажал симптоми, по што веднаш бил тестиран. Резултатите биле позитивни, по што Сандро веднаш заминал во самоизолација и ќе го пропушти дербито со Милан, како и наредниот дуел со Сасуоло.
Утре ќе биде тестиран целиот тим на Јувентус, со сериозен ризик да има и други заразени што би бил вистински кошмар за Пирло пред пресметката со „росонерите“ од Милано.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
