ПСЖ ја демонстрираше сета своја моќ на француската фудбалска сцена демолирајќи го на гостински терен Лил со 1-7. Дуелот на последните два француски прваци мина целосно во знакот на гостите од Париз, кои постигнаа гол по само осум секунди игра преку Мбапе, доминирајќи до крајот за уште една убедлива победа.
Она што беше очигледно кај ПСЖ е одличната соработка меѓу Нејмар и Мбапе, двете суперѕвезди кои беа во конфликт на последниот домашен дуел, но состанокот со тренерот Галтие очигледно вроди со плод, па Французинот и Бразилецот си разменија бројни додавања, создавајќи стопроцентни шанси во ова доминантно издание на „светците“.
Мбапе го отвори резултатот во првата минута на асистенција на Меси, по што меѓу стрелците до крајот на првиот дел се запишаа и Меси, Хакими и Нејмар. Бразилецот Нејмар погоди на стартот од вториот дел за петтиот гол на ПСЖ, за потоа овој фудбалер да му асистира на Мбапе при шестиот и седмиот погодок за „светците“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
