Фудбалерите на Пари Сен Жермен многу потешко од очекуваното успеаја да слават на домашен терен против Нант со 4-2 во последниот натпревар пред реваншот против Баерн Минхен во Лигата на шампионите како дел од 26. коло во француската Лига 1.
„Светците“ со погодокот на Лионел Меси во 12. минута и автоголот на Хаџам во 17. минута брзо стигнаа до водство од 2-0. Кога се мислеше дека натпреварот е решен, гостите преку Блас во 31. и Ганаго во 38. минута успеаја на полувреме да заминат со реми (2-2).
Домаќините до ново водство (3-2) стигнаа со голот на Данило Переира во 60. минута, додека конечните 4-2 ги постави Килијан Мбапе во 92. минута гол кој беше 201 за Францунот во ПСЖ со кој стана најдобар стрелец во историјата на клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
