Најскапиот фудбалер во светот, Бразилецот Нејмар, кон крајот на оваа семдица заминува на операција во родната земја, потврди францускиот клуб Пари Сен Жермен. По тридневна консултација и лекарски анализи, во кои учествуваа клупските доктори на ПСЖ, но и лекарот на бразилската фудбалска репрезентација, одлучено е Нејмар да ја санира повредата по хируршки пат. Како што информира ПСЖ, операцијата ќе ја изврши бразилскиот стручњак д-р. Родриго Ласмар, а ќе му асистира проф. д-р. Саилан, кој е и клупски доктор на Пари Сен Жермен.
Нејмар на дерби натпреварот од француското првенство против Олимпик Марсеј заработи скршеница на петтата метатарзална коска на стапалото на десната нога, а има и истегнување на лигаментите на десниот скочен зглоб. Ова е и официјална потврда дека Нејмар нема да може да настапи на реваншот од осминафиналето во Лигата на шампионите против Реал Мадрид, а неговото враќање на терените се очекува за околу два месеци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
