Францускиот првак Пари Сен Жермен имаше екстремно тежок натпревар против Мец на „Паркот на принцовите“, се мачеше цели 90 минути, остана со деветмина во поле, а потоа Џулијан Дракслер во третата минута од судиското продолжение постигна гол за голем триумф од 1-0. „Светците“ имаа два порази во првите два меча, се закануваше потоп за Томас Тухел и за фудбалерите, но на крајот успеаја да се извлечат. Ги освоија првите три бода во шампионатот.
Во првото полувреме не реализираа убави шанси Дракслер и Икарди, гостинскиот голман Окиџа бранеше одлично, а ПСЖ од 65.минута остана со играч помалку по црвениот картон за Дијало. Во финишот, се повреди и Хуан Бернат, а Тухел веќе ги имаше искористено замените. И кога никој веќе не веруваше дека ПСЖ може до победа, се појави Германецот Џулијан Дракслер и постигна победнички гол.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
