Кристјиан Пулишиќ е следниот на листата на фудбалери на Челси кои во најскоро време ќе си заминат од „Стемфорд бриџ“, но американскиот репрезентативец им создава проблеми на „сините“ поради одбивањето да замине во клубот кој испрати најбогата понуда до лондонскиот клуб.
Француски Лион гледа на Пулишиќ како на главно засилување за наредната сезона и веќе понуди 25 милиони евра за да го доведе Американецот во своите редови. Челси ја прифати понудата, фудбалерот преговараше за личните услови, но веднаш потоа ги исфрустрира „сините“ со одговорот – одбивање на понудата на Лион и барањето приоритет да се стави на преговорите со Милан.
Пулишиќ не ја крие желбата да игра за Милан, тим со кој ќе има можност да настапува и во Лигата на Шампионите. Проблем претставува фактот што екс-шампионот на Италија нема намера да ја израмни понудата на Лион. Највисоката понуда на „росонерите“ изнесуваше 17 милиони евра плус три преку клаузули, па останува да се види дали ќе се најде заеднички јазик за Пулишиќ да се пресели на „Сан Сиро“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
