Со дуелот во салата „Лазар Лечиќ“, во кој се сретнаа директните конкуренти за позиција која обезбедува опстанок, Работнички и Феникс 20110, беше комплетиран првиот круг од Плеј-аут сегментот од Супер лигата на Македонија во кошарка.
Победата од 93-83 им припадна на „црвено-белите“, со која сега со уште еден чекор поблиску во трката за опстанок во суперлигашката конкуренција.
Се имаа под контрола домашните кошаркари по три одиграни периоди. И добра игра, и што е поважно, високо водство од 14 поени, (69:55).
Но во последниот дел од играта, Феникс 2010 испрати сериозна закана. Поточно за четири минути игра, со серија од (4-16), гостите се доближија на само два поени негатива (71-73).
„Црвено-белите“ одолеаа на тој противнички напад, преку Ефремовски и Грушановиќ, на неполни четири минути до крајот, се одвоија на (82-75). А по тројката на Костоски, за водство (87-77), стана јасно дека победата ќе биде за Работнички, кој по овој успех сега е на скор (10-13), односно има дури две победи повеќе во однос на Феникс 2010 кој има (8-15).
Четворица од петте стартери во домашната екипа завршија со двоен број на реализации. Ефремовски реализираше 30 поени (имаше и по три скока и три асистенции). Стандардно, двоен, беше ефектот на Рикиќ, кој заврши со 22 поени и 17 скока. Грушановиќ запиша 14 поени (и осум скока), додека најискусниот во тимот, Костоски додаде со 11 поени и девет успешни додавања.
Во екипата на Феникс 2010, Рахама уфрли 20поени (имаше и седум асистенции и пет скока), Дајсон го следеше со 16поени (и пет скока), Метјус имаше 17 поени (и седум скока), а Ниах уште 15 поени и 11 скока, додека Златевски кој застана на десет реализирани поени (и по два скока и асистенции).
МТЕЛ“ СУПЕР ЛИГА-МАЖИ (ПЛЕЈ-АУТ)
РЕЗУЛТАТИ 1. КОЛО
Чаир 2030 – Ангели 91-69
МКК Куманово – Гостивар 75-73
Работнички – Феникс 2010 93-83
ТАБЕЛА
1.Чаир 2030 23 12 11 1870:1927 35
2.МКК Куманово 23 11 12 1863:1828 34
3.Работнички 23 10 13 1922:1875 33
4.Феникс 2010 23 8 15 1804:1871 31
5.Гостивар 23 6 17 1707:1836 29
6.Ангели 23 1 22 1505:2022 24
ИДНО КОЛО (15.април)
Ангели – Феникс 2010
Гостивар – Работнички
Чаир 2030 – МКК Куманово
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
