Фудбалерите на Шкупи стигнаа до првиот бод сезонава откако денеска како домаќини во Струга ремизираа против Работнички 1-1 во натпревар од 9. коло од новата сезона во Првата Македонска фудбалска лига.
Домаќините кои овој меч наместо во Чаир го играа во Струга поведоа со 1-0 во 25. минута со голот на Ерион Шуку по големата грешка на голманот на гостите, Петар Јакимов. Во вториот дел гостите успеаја да израмнат на 1-1 преку Eрмедин Адем во 61. минута.
Во финишот Работнички имаше голема шанса по која само чудо ги спаси домаќините да не примат гол и да остане 1-1.
Реми 1-1 одиграа и АП Брера и Башкими. Голот за водство на гостите од 0-1 на овој меч го постигна Емануел Аворнио во 35. минута.
Во финишот главниот судија на мечот досуди пенал за Брера кој по проверка на ВАР беше потврден, а него успешно го реализираше Нѕенгуе во 89. минута за конечни 1-1.
ПМФЛ 9. КОЛО:
ВЧЕРА:
МАКЕДОНИЈА ЃП – АРСИМИ 4-1
ДЕНЕСКА:
(15.00) АП БРЕРА – БАШКИМИ 1-1
(15.00) ШКУПИ – РАБОТНИЧКИ 1-1
НЕДЕЛА:
(15.00) СИЛЕКС – ТИКВЕШ
(15.00) ВАРДАР – СТРУГА ТЛ
ПОНЕДЕЛНИК:
(18.00) ПЕЛИСТЕР – ШКЕНДИЈА
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
