Работнички со победа ги стартуваше тест – натпреварите во турскиот туристички центар Анталија. „Романтичарите“ го совладаа украинскиот прволигаш Днипро со 3-2, иако имаа негатива од 0-2.
Баланјук во 30.минута го отвори резултатот во корист на Днипро, а Херера си постигна автогол девет минути подоцна, за водство на Украинците од 0-2.
Филип Ивановски возврати во 42.минута со одличен удар со глава и намали на 1-2.
Во второто полувреме, Работнички беше многу подобар противник и успеа да стигне до комплетен пресврт и победа.
Кире Маркоски во 57.минута го израмни резултатот, а Емир Сахити во 72.минута го постигна победничкиот погодок за „романтичарите“. Во завршницата, Днипро го погоди дирекот од голот на Даниел Божиновски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
