Работнички казнет со 40.000 денари, МЗТ ќе плати 28.000 денари, но и ќе игра еден меч пред празни трибини

Работнички и МЗТ Скопје повторно ќе треба да издвојат најмногу пари за да ги платат казните изречени од Комесарот за натпреварување, Александар Милојевиќ, објавени во најновиот Билтен на официјалната веб-страница на КФСМ.

„Центарци“ го совладаа тимот на Куманово во меч без никаква тензија, но Работнички е казнет со дури 40.000 денари поради неистакнување на банер-церада и рол-банер од генералниот спонзор на лигата, компанијата МТЕЛ.

„Екипата на КК Работнички за неистакнување на банер церада и рол банер по член 59.1 се казнува со парична казна во износ од 40.000,00 денари“, се вели во одлуката објавена во новиот Билтен.

МЗТ Скопје ќе плати вкупно 28.000 денари, но и следниот домашен меч ќе го игра без навивачи на трибините поради однесувањето на фановите на аеродромци на последниот дуел со ТФТ.

„На трибината каде што била сместена навивачката група на КК МЗТ Скопје А. биле запалени повеќе светлечки и димни направи (бакљи), кои изгореле за неполна минута, но оставиле дим. Димот во текот на целата 1/4 и првата половина од 2/4 бил во горниот дел на салата, кон таванот. Потоа се спуштил надолу кон теренот за игра. Во кратка консултација, Делегатот и првиот судија одлучиле да не се прекинува натпреварот, туку да заврши 2/4, а паузата на полувремето да се пролонгира колку што е потребно за да се расчисти димот. Интервалот на полувремето се продолжил за дополнителни 5-7 минути и наместо 15 мин, траел 20-22 минути, по што димот почнал да се расчистува и натпреварот продолжил. Во истиот момент кога биле запалени бакљите, Делегатот го замоли обезбедувањето и Комесарот за безбедност на домаќините да биде вклучена горната вентилација во објектот, која ќе го отстрани т.е. вшмука димот. Тоа било направено на полувремето и за кратко време потоа димот бил отстранет“, се вели во делегатскиот извештај.

Поради ова, донесена е следната одлука од страна на Комесарот за натпреварување: