Поранешниот македонски репрезентативец Крсте Велкоски е повторно во својот Работнички. Велкоски треба да биде огромно засилување за тимот на Љупчо Марковски за претстојната сезона.
Напаѓачот третпат во кариерата ќе го носи дресот на Работнички. Беше дел и од шампионските времиња, играше во периодот 2006 – 2008 и во периодот 2011 – 2013 година.
„Се чувствувам многу среќен, затоа што се вратив дома. Тоа е секогаш посебно чувство. Емоциите кон Работнички секогаш се максимални, верувам дека ќе му помогнам на тимот да ги оствари целите во претстојната сезона“ – вели Крсте Велкоски.
34-годишниот Велкоски во кариерата играше и за Металург, Чеалул (Романија), Енозис (Кипар), Инчон (Јужна Кореја), Након Рачасима (Тајланд) и Сараево (БиХ). Во новата сезона, повторно ќе биде дома, во Работнички.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
