Кошаркарите на Работнички стигнаа и до 26-та победа во шампионатот на Македонија славејќи на гостувањето против Блокотехна во Гевгелија со 86-93.
Во главно израмнет меч во кој двете екипи постојано се менуваа во водството, лидерот во шампионатот одигра „пеколен финиш“ во последната четвртина која ја доби со 19-27 за конечен триумф.
Работнички до триумфот го предводеше Мираковски со 17 поени, дополнето и со четири асистенции, Гинјард имаше 14 поени а Чековски мечот го заврши со 13 поени.
Во поразениот состав на Блокотехна се издвои Мијатовиќ со 19 поени, 15 поени запиша Двејн, а Казарновски мечот го заврши со 12 постигнати поени.
По овој триумф Работнички дополнително се зацврсти на првата позиција со 26 победи и само еден пораз, додека Блокотехна остана на второто место со 20 победи и 7 порази, колку што има и третопласирниот МЗТ Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
